Brunnur III er íslenskur vísisjóður sem fjárfestir í íslenskum nýsköpunar- og tæknifyrirtækjum með alþjóðlega vaxtarmöguleika. Sjóðurinn byggir á reynslu fyrri sjóða félagsins og styður fyrirtæki með fjármagni, þekkingu og tengslaneti til að hraða vexti og verðmætasköpun. Markmið sjóðsins er að efla alþjóðlega samkeppnishæfni íslenskra fyrir-tækja og skapa framúrskarandi langtímaávöxtun fyrir fjárfesta.
Crowberry Capital er íslenskur vísifjárfestir sem sérhæfir sig í að fjárfesta í norrænum tæknifyrirtækjum á fyrstu stigum (pre-seed, seed). Crowberry II hefur þegar fjárfest í 21 félagi frá Íslandi, Finnlandi og Danmörku. Crowberry leggur áherslu á að vera virkur hluthafi og styður fyrirtæki í að vaxa á alþjóðlegum mörkuðum.
Frumtakssjóðirnir fjárfesta í nýsköpunarfyrirtækjum sem hafa mikla möguleika á að verða leiðandi á sínu sviði alþjóðlega. Frumtak er virkur og drífandi fjárfestir sem beitir sér markvisst að vexti og framgangi félaga í eignasafninu. Frumtak 3 og Frumtak 4 hafa fjárfest í 16 félögum þ. á m. Abler, Treble og Plaio.
REY III – Vöxtur er rekinn af ReykVC, sem stýrir sérhæfðum sjóðum, og fjárfestir í fyrirtækjum með alþjóðlega vaxtargetu, sérhæfða tækni og gagna-drifnar lausnir. Í eignasafni eru meðal annars DTE, Laki Power, Hedera DX og Varist, sem vinna að lausnum á sviði iðnaðar, orkuinnviða, heilbrigðis-gagna og stafræns öryggis og skapa varanleg verðmæti og jákvæð samfélagsáhrif.
.jpg)
.png)
