Marea

Marea ehf. er sprotafyrirtæki í líftækni sem vinnur verðmætar vörur sem draga úr matarsóun og plastnotkun úr hliðarafurðum annarra líftæknifyrirtækja. Fyrsta vörulínan, ICEBOREA, er pökkunarhúð fyrir grænmeti unnin úr þörungahrati sem myndast eftir astaxanthínframleiðslu. Húðin kemur í duftformi sem er blandað í vatn og má úða á ávexti og grænmeti til að lengja geymsluþol, viðhalda ferskleika og gera plastumbúðir óþarfar. Áætlað er að hefja sölu á ICEBOREA á Íslandi árið 2026 með varðveisluhúð fyrir agúrkur. Á sama tíma vinnur Marea að þróun nýrra vörulína úr hliðarafurðum bruggiðnaðarins, sem og úr sjávarlífmassa, til notkunar í húðanir og lífplast. Með þessu leitast fyrirtækið við að skapa hringrásarhagkerfi þar sem hráefni sem áður var talið úrgangur verður að gagnlegri vöru.