Flow

Hugbúnaðarfyrirtækið Flow býr til hugleiðsluhugbúnað fyrir bæði sýndarveruleika og snjallsíma. Hugmyndin er að fólk geti, með hjálp snjallforritsins, hugleitt hvar sem er og hvenær sem er. Það getur verið á skrifstofu, á flugvelli, á spítala, hvar sem er. Í gegnum sýndarveruleikagleraugu getur notandinn fengið 360 gráðu lifandi myndefni úr náttúrunni t.a.m. Snæfellsnesi, Þórsmörk eða Þingvöllum. Við hina myndrænu upplifun bætist svo hljóð með tónlist frá Sigur Rós, Jónsa & Alex, Pétri Jónssyni og GusGus svo eitthvað sé nefnt. Samspil mynd og hljóðrænnar upplifunar veitir samstundis hugarró. Forritið gerir fólki þannig kleift að komast í hugleiðsluástand á örskotsstundu. Þótt forritið sé hugsað fyrir alla, hefur fyrirtækið lagt sérstaka áherslu á að markaðssetja til annarra fyrirtækja.