Heilsu Kría

Form fjárfestinga

Með stuðningi menningar-, nýsköpunar- og háskólaráðuneytisins (MNH) hefur Heilsu Kría til umráða 300 milljónir króna til fjárfestinga.

Viðmiðunarfjárhæð einstakra fjárfestinga er um 50–70 milljónir króna.

• Ófrávikjanlegt skilyrði Heilsu Kríu er jafnhátt eða hærra mótframlag
• Staðfesting á mótframlagi verður að liggja fyrir eigi síðar en þremur mánuðum frá samþykki stjórnar NSK
• Fjárfesting NSK er skuldabréf sem ber 10% vexti með breytirétti til 3ja ára með mögulega 2 ára framlengingu. Breytiréttur skuldabréfsins er gengi næsta hlutabréfútboðs með 20% afslætti. Hámark verðmats við skuldbreytingu er 500 milljónir króna. Uppgreiðsla er heimil hvenær sem er á lánstímanum
• Á lánstímabilinu hefur NSK ekki virka aðkomu að félaginu en gerir kröfu um óháðan stjórnarmann, góða stjórnarhætti og reglulega upplýsingagjöf sem og boð á hluthafafundi

Fagráð

Fagráð fer yfir allar umsóknir sem sendar eru inn í Heilsu Kríu og leggur mat á þær umsóknir sem berast í samræmi við fjárfestingastefnu NSK

Fagráð skipar:

• Hrönn Greipsdóttir, forstjóri NSK
• Ragnhildur Jónsdóttir, forstöðumaður mannauðs, menningar og skipulagsþróunar hjá Sidekick Health
• Sveinbjörn Ingi Grímsson, hjá nýsköpunar- og viðskiptaþróunarsviði Ríkiskaupa
• Guðbjörg Edda Eggertsdóttir, lyfjafræðingur og englafjárfestir
• Sigurður Þórarinsson, forstöðumaður stafrænnar heilsu

‍

‍

Umsóknarferlið

Veita þarf upplýsingar um: 

• Félagið og tengilið þess
• Stutta lýsingu á verkefninu sem um ræðir
• Upphæð fjárfestingar sem sótt er um
• Hvort mótframlag liggi fyrir og ef svo þá frá hverjum
• Sölutekjur fyrirtæksins á síðasta ári
• Hvort umsækjandi hafi hlotið staðfestingu Rannís eða styrk frá Tækniþróunarsjóði
• Hvort félagið hafi hlotið aðra styrki og þá frá hverjum og hvenær

Fylgiskjöl

• Glærukynning á pdf formi (max 10 síður) þar sem kemur fram:‍
  
  • Hugmyndin: Nýnæmi hugmyndar, sérstaða vörunnar, viðskiptaáætlunin
  • Markaðurinn: Hvert er vandamálið eða þörfin og stærð markaðarins?
  • Teymið: Kynning á teyminu þ.e. starfsfólk, stjórn og mögulegir ráðgjafar.
  • Stækkun: Hversu auðvelt er að stækka verkefnið og sækja fram á erlendri grundu?  
  • Fjárhagsáætlun: Rauntölur síðasta árs og áætlun til næstu 3-5 ára.
  • Fjárþörf: Hvað er óskað eftir miklu fjármagni og hvernig á að nýta það?

• Kynningarmyndband: Myndband sem kynnir verkenfið og teymið
• ‍Fjárhagsáæ´tlun
• Vilyrðisgögn vegna mótframlags ef það liggur fyrir
• Hluthafalisti félagsins
• Nýjasti ársreikningur félagsins
• Staðfest RSK skráning

‍Í hnotskurn er ferlið eftirfarandi:  

1. Umsókn send inn. ‍
2. Fagráð fer yfir umsókn ‍
3. Völdum félögum verður boðið að koma og kynna félagið, teymið og verkefnið á sérstökum fundi.
4. Stjórn NSK kynnt valin verkefni
5. Að fengnu samþykki stjórnar er svo gengið frá samningum um aðkomu sjóðsins, ef félögin hafa fyrirliggjandi mótframlagsfjárfestingu.

‍