Tengiliðsupplýsingar: hronn@nyskopun.is | Sími: 894-2566
Hrönn Greipsdóttir, forstjóri Nýsköpunarsjóðsins Kríu, hefur fjölbreytta starfsreynslu úr atvinnulífinu, enda reyndur stjórnandi og stjórnarmaður. Hún hóf starfsferilinn í ferðaþjónustu og var m.a. forstöðumaður innanlandsdeildar Úrvals-Útsýnar 1991-1995 og framkvæmdastjóri Radisson SAS Hótel Sögu ehf. 1998 – 2007.
Árið 2007 söðlaði Hrönn um og hóf störf í fjármálageiranum, fyrst sem framkvæmdastjóri SPRON Factoring og síðar sem forstöðumaður á viðskiptasviði Arion banka. Árið 2014 réði Hrönn sig til Arev verðbréfa til að stofna og stýra fjárfestingasjóði sem þá var í burðarliðnum. Fjárfestingafélagið Eldey ehf. var formlega stofnað síðla árs 2015 en síðar var eignastýring og varsla flutt yfir til Íslandssjóða hf. Eldey fjárfesti beint og óbeint í 12 félögum í afþreyingargeira ferðaþjónustunnar, þar sem mörg sprotafyrirtæki hafa fæðst. Árið 2021 var eignasafn Eldeyjar ehf. selt til Kynnisferða hf. og félögin sameinuð ári síðar undir heitinu Icelandia.
Hrönn hóf störf sem framkvæmdastjóri Nýsköpunarsjóðs atvinnulífsins þann 1. maí 2022 og tók svo við stöðu forstjóra Nýsköpunarsjóðsins Kríu í ársbyrjun 2025. Hrönn hefur setið í stjórnum fjölmargra fyrirtækja, allt frá litlum sprotafyrirtækjum til eftirlitsskyldra fjármálafyrirtækja. Hún hefur einnig setið í stjórnum opinberra stofnana og hagsmunasamtaka. Hrönn er viðskiptafræðingur (Cand Oecon) að mennt frá Háskóla Ísland, MBA – Finance frá City University í London og lokið prófi í verðbréfamiðlun frá HR.
