Svanhildur er fjárfestir og stjórnandi með víðtæka reynslu af rekstri fyrirtækja, fjárfestingum, stefnumótun og stjórnarsetu. Hún hefur gegnt fjölmörgum trúnaðar- og ábyrgðarstörfum í íslensku atvinnulífi. Á árunum 2005-2008 gegndi hún starfi framkvæmdastjóra fjárstýringar Staums-Burðaráss, fjárfestingarbanka (forveri Kviku banka) og þar á undan var hún forstöðumaður fjármögnunar hjá Kaupþingi (KB banka, forvera Arion banka) og byggði þar upp alþjóðlegt fjármögnunarumhverfi bankans. Á árunum 1999-2003 starfaði Svanhildur hjá Fjárfestingarbanka atvinnulífsins og síðar Íslandsbanka. Þar starfaði hún í markaðs-viðskipum og síðar tók hún við starfi forstöðumanns netviðskipta. Svanhildur hefur setið í stjórnum fyrirtækja á sviði fjármála, trygginga, verslunar og nýsköpunar. Hún hefur meðal annars gegnt for-mennsku í stjórnum Vátryggingafélagi Íslands hf. og Skeljungs hf. Í dag gegnir hún meðal annars stjórnarformennsku stjórnar Nýsköpunarsjóðsins Kríu, stjórnarformennsku stjórnar Act4 (fram-leiðslufyrirtæki á sjónvarpsþáttum) og er stjórnarformaður hjá Bestseller á Íslandi.
Svanhildur útskrifaðist árið 1996, með stúdents-próf frá Menntaskólanum í Reykjavík. Árið 1999 útskrifaðist hún með BS-gráðu í viðskiptafræði með áherslu á fjármál og síðar lauk hún meistaraprófi í alþjóðaviðskiptum og markaðsfræðum frá Háskóla Íslands árið 2003. Jafnframt hefur hún lokið prófi sem löggiltur verðbréfamiðlari og námskeiði frá Harvard Business School (executive education) um stjórnarhætti fyrirtækja og stofnana. Á starfsferli sínum hefur hún byggt upp víðtæka þekkingu á fjármálamörkuðum, fjárfestingum, fyrirtækjarekstri og stjórnarháttum. Hún hefur verið virkur þátttakandi í þróun og uppbyggingu fjölmargra fyrirtækja og fjárfestingaverkefna.
