Guðmundur Halldór er framkvæmdastjóri sölu- og markaðsmála hjá Sýn og ber ábyrgð á stefnumótun og framkvæmd sölu-, markaðs- og kynningarmála félagsins gagnvart bæði einstaklingum og fyrirtækjum. Hann er með BSc-gráðu í viðskiptafræði frá Tækniháskóla Íslands og hefur auk þess lokið námi í rekstrarfræði frá sama skóla.
Guðmundur hefur áratuga reynslu af stjórnunar- og rekstrarstörfum í íslensku atvinnulífi. Á starfsferli sínum hefur hann gegnt fjölbreyttum stjórnunarstörfum hjá fyrirtækjum á borð við Lyfju, VÍS, 365, Já og Símanum. Hann er varamaður í stjórn Kjarafélags viðskipta- og hagfræðinga og hefur jafnframt tekið virkan þátt í félags- og atvinnulífi, m.a. sem stjórnarmaður í Íslandsstofu.
