Við vekjum athygli á að opið er fyrir umsóknir í Lóu nýsköpunarstyrki út 30. mars 2026. Styrkjunum er úthlutað til nýsköpunarverkefna utan höfuðborgarsvæðisins og ætlaðir verkefnum sem komin eru af byrjunarstigi. Hlutverk styrkjana er að auka við nýsköpun á landsbyggðinni og styðja við eflingu byggða og landshluta með nýskapandi verkefnum.
Við mat á nýnæmi verkefna er stuðst við skilgreiningu OECD um nýsköpun. Nýsköpun er skilgreind sem innleiðing nýrrar eða mjög endurbættrar vöru, þjónustu eða ferils, nýrrar aðferðar til markaðssetningar eða nýrrar skipulagsaðferðar í viðskiptaháttum, skipulagi á vinnustað eða ytri samskiptum.
Vakin er athygli á að styrkirnir eru einnig fyrir verkefni sem styðja við uppbyggingu á vistkerfi fyrir nýsköpunarstarfsemi og frumkvöðlastarf á forsendum svæðanna. Slík verkefni munu þó ekki nema meira en helmingi þeirra verkefna sem hljóta úthlutun.
Allar nánari upplýsingar má finna hér.
