Hönnunarþing á Húsavík var haldið á dögunum. Hátíðin er vettvangur þar sem hönnun, nýsköpun og samfélag mætast. Yfirskrift Hönnunarþingsins í ár var orka og dagskráin endurspeglaði birtingarmyndir hennar í hönnun og nýsköpun.
Valdimar Halldórsson, fjárfestingarstjóri, sótti Hönnunarþingið heim fyrir hönd Nýsköpunarsjóðsins Kríu. Fjölbreytt erindi og kynningar voru á hátíðinni og almennt var hátíðin mjög vel heppnuð.
Eitt fyrirtæki í eignasafni sjóðsins, Mýsköpun, kynnti áform sín um örþörungaframleiðslu við Þeistareykjavirkjun í nágrenni Húsavíkur. Sú uppbygging er mjög spennandi og mun hafa mikil margfeldisáhrif á svæðinu á komandi árum. Ingólfur B. Gunnarsson, framkvæmdastjóri Mýsköpunar, kynnti félagið á hönnunarþinginu.
