Atmonia, eitt af félögum í eignasafni Nýsköpunarsjóðsins Kríu, var nýlega til umfjöllunar hjá alþjóðlega nýsköpunar- og fjárfestingarmiðlinum AgFunderNews.
Þar er rætt við Helgu Dögg Flosadóttur, meðstofnanda og framkvæmdastjóra Atmonia, um tæknina sem fyrirtækið hefur þróað til framleiðslu á grænu ammoníaki og næstu skref í uppbyggingu fyrirtækisins.
Atmonia þróar skalanlegt kerfi fyrir rafefna-framleiðslu á ammoníaki með lofti, vatni og rafmagni án þess að losa gróðurhúsalofttegundir. Með tækninni er ekki þörf á að framleiða og geyma vetni líkt og í hefðbundinni ammoníakframleiðslu.
Fyrirtækið hefur nú sýnt fram á að tæknin virkar og næsta skref er að þróa áfram þessa lausn. Markmið Atmonia er að þróa framleiðslukerfi í 40 feta gámi sem getur framleitt um 150 tonn af ammoníaki á ári.
Horfa má og lesa viðtalið við Helgu Dögg í heild sinni á AgFunderNews.
