Föstudaginn 9. október kom áhugasamur hópur meistaranema úr Maestro, félagi meistaranema við Viðskiptafræðideild og Hagfræðideild Háskóla Íslands, í heimsókn til okkar í Nýsköpunarsjóðinn Kríu.
Í heimsókninni fengu nemendur innsýn í starfsemi Kríu, hlutverk sjóðsins í íslensku nýsköpunarumhverfi og hvernig fjármögnun sprota- og nýsköpunarfyrirtækja fer fram. Farið var yfir mikilvægi fjárfestinga á mismunandi stigum í þróun fyrirtækja, tækifæri og áskoranir í nýsköpunarumhverfinu og hvernig Kría styður við uppbyggingu og vöxt íslenskra nýsköpunarfyrirtækja.
Við þökkum Maestro kærlega fyrir komuna og skemmtilega heimsókn!
