Fyrirtækið Nomina frá Verslunarskóla Íslands var valið fyrirtæki ársins 2023 í Fyrirtækjasmiðju Ungra frumkvöðla – JA Iceland

Uppskeruhátíð Fyrirtækjasmiðju Ungra frumkvöðla - JA Iceland fór nýverið fram í höfuðstöðvum Arion banka en 30 fyrirtæki frá 15 framhaldsskólum voru valin úr hópi 160 fyrirtækja sem 700 nemendur stofnuðu á önninni, til að taka þátt í  úrslitum Fyrirtækjasmiðju Ungra frumkvöðla 2023.

Fyrirtækið Nomína, sem er í eigu sex nemenda við Verslunarskóla Íslands þeirra; Orra Einarssonar, Söndru Diljár Kristinsdóttur, Össurar Antons Örvarssonar, Tómasar Pálmars Tómassonar, Dagnýjar Rósar Björnsdóttur og Ólafs Inga Jóhannessonar var valið fyrirtæki ársins 2023 í samkeppni Ungra frumkvöðla, Junior Achievement á Íslandi. Nýsköpunarsjóður atvinnulífsins veitti sigurvegurunum 250.000 króna styrk til að nota í ferð til Istanbúl í sumar. Nomína mun keppa fyrir hönd Íslands, í Evrópukeppni Ungra frumkvöðla – GEN_E 2023 sem fer fram í Istanbúl, Tyrklandi dagana 11.–14. júlí næstkomandi. Um 6.000.000 nemenda hófu keppni í 40 Evrópulöndum og verður eitt lið valið frá hverju landi til að keppa um „Junior Achievement Company of the Year – GEN_E 2023“.

Áslaug Arna Sigurbjörnsdóttir háskóla-, iðnaðar- og nýsköpunarráðherra var með ávarp á uppskeruhátíðinni og Benedikt Gíslason bankastjóri Arion banka og Ragnheiður Jóhannesdóttir þjónustustjóri veittu verðlaun og viðurkenningar en uppskeruhátíðin var haldin í höfuðstöðvum bankans.

‍

Verðlaun og viðurkenningar hlutu:

• Fyrirtæki ársins – Nomína, Verslunarskóli Íslands
• Fyrirtæki ársins 2. Sæti - Bein, Verslunarskóli Íslands
• Fyrirtæki ársins 3. Sæti – Aur og Áhætta, Verslunarskóli Íslands
• Frumlegasti sölubásinn – Smáralind – Roð snakk, Tækniskólinn
• Frumlegasti sölubásinn – Ísafjörður – Poddi, Menntaskólinn á Ísafirði
• Öflugasta sölustarfið – Smáralind – Nómína, Verslunarskóli Íslands
• Öflugasta sölustarfið – Ísafjörður – ALMA, Menntaskólinn á Ísafirði
• Áhugaverðasta nýsköpunin – H.Hampur, Fjölbrautaskóli Norðurlands vestra
• Samfélagsleg nýsköpun – GymbosRPG, Menntaskólinn á Ásbrú
• Áhugaverðasta fjármálalausnin, Aur og Áhætta Verslunarskóli Íslands
• Besti sjó-bissnessinn - BEIN, Verslunarskóli Íslands
• Matvælafyrirtæki ársins – Stökk, Verslunarskóli Íslands
• Besta hönnunin – KONVI, Verslunarskóli Íslands
• Áhugaverðasta tækninýjungin – Pluto, Verslunarskóli Íslands
• Fjölbreytt teymi - Ænýtt Menntaskólinn við Sund
• Umhverfisvænasta lausnin – Plastcase, Borgarholtsskóli

Nýsköpunarsjóður er styrktaraðili Fyrirtækjasmiðju Ungra frumkvöðla og gáfu verðlaun upp að 250.000 króna styrk til XXX. Við óskum xxx og öllum þessum flottu teymum til hamingju með árangurinn!

‍