Ankeri Solutions, sem býr til og þróar skýjalausnir fyrir gámaskipaflutningafyrirtæki, velti 186 milljónum í fyrra. Í samantekt Viðskiptablaðsins kemur fram að félagið var rekið með 29 milljóna króna tapi í fyrra en árið áður nam tapið 83 milljónum.
Tekjur námu 186 milljónum og jukust um 68% frá fyrra ári. Þá kemur fram í ársreikningi að sölutekjur hafi aukist um 81% milli ára og árlegar endurteknar tekjur um 170%.
Ankeri hefur verið í eignasafni Nýsköpunarsjóðs frá því árið 2018 en félagið var stofnað árið 2016.
