Sea Growth

a. Sea Growth er líftæknifyrirtæki sem þróar frumuræktað sjávarfang með það að markmiði að skapa heilbrigðar, öruggar og kolefnisléttar fiskafurðir fyrir framtíðina. Við nýtum háþróaðar aðferðir í frumurækt og sjálfbærri framleiðslu til að rækta fiskfrumur sem nýtast í fjölbreyttar afurðir, allt frá hráefni fyrir matvælaiðnað til sérsniðinna próteinlausna. Fiskfrumur, sem upphaflega eru einangraðar úr fiskeggjum, eru ræktaðar í líftönkum þar sem þær vaxa og þroskast yfir í vöðva- og fitufrumur, líkt og í náttúrulegum vexti fisksins. Í þessum líftönkum myndast frumumassi sem er unninn í hágæða neysluvöru eða prótein. Fiskmeti sem framleitt er með þessari aðferð er laust við mengun á borð við kvikasilfur, plastagnir og sýklalyf, efni sem geta verið til staðar í veiddum eða eldisræktuðum fiski. Sérstaða Sea Growth felst í íslenska umhverfinu, aðgangi að hreinni endurnýjanlegri orku, djúpri þekkingu á sjávarútvegi og öflugu neti rannsóknarstofnana og samstarfsaðila sem hraða nýsköpun og tryggja gæði ferlisins. Með náinni samvinnu við lykilaðila innanlands og erlendis vinnum við að lausn sem dregur úr álagi á hafið og styrkir framtíðaröryggi próteina. Markmið okkar er að mæta vaxandi þörf neytenda og matvælaiðnaðar fyrir öruggar, stöðugar og umhverfisvænar próteinuppsprettur sem styðja við sjálfbærari matvælaframleiðslu.